Laro ngayon
(Smart-Araneta Coliseum)
6:45p.m. Talk n’ Text Tropang Texters vs B-Meg Llamados (Game 2)
(Smart-Araneta Coliseum)
6:45p.m. Talk n’ Text Tropang Texters vs B-Meg Llamados (Game 2)
Kumpyansa ang bataan ni Talk n’ Text Tropang Texters
coach Chot Reyes na makababalik sila sa Game Two ng kanilang best-of-seven 2012
PBA Commissioner’s Cup finals series kontra sa B-Meg Llamados ngayon alas-6:45
ng gabi sa Smart-Araneta Coliseum.
Tila nakalimutan ng Texters na kargahan ang kanilang
baterya habang ganadong-ganado naman ang Llamados sa kanilang huling laro nang
patikimin ng B-Meg ang nagdedepensang Talk n’ Text ng 88-82 pagkatalo sa Game
One noong Lunes.
“The boys didn’t execute our game plan. We let B-Meg controlled us, allowing us to play their game,” pahayag ni Reyes pagkatapos ng laro sa harap ng 13, 008 manonood. “In Game Two, we should lead the game, for us to win,” dagdag niya.
Nagbandera ang B-Meg, huling nagkampeon noong
2009-2010 Philippine Cup, ng kanilang pinakamalaking kalamangan sa second
quarter sa iskor na 28-14, hanggang magpasabog ng 16-8 bomba ang Texters at
itabla sa 56-all sa 5:07 ng ikatlong yugto.
Sandali lang naagaw ng Texters, na nasa kanilang
limang sunod na finals appearance, ang abante sa Llamados nang magpakawala ng
palobong tres si Ryan Reyes, may 3:59 pa ang nalalabi sa third, bago
nakaabuwelta ang Llamados sa pagkamada ng 80-72 agwat sa 4:20 ng fourth.
Inangkin ang 1-0 na bentahe, pinangunahan ni PJ
Simon ang opensa ng Llamados na kumana ng 18 points, at humila ng apat na
rebounds, walong puntos ay ginawa nang ipasok ito sa huling yugto katapat si
Texters Jimmy Alapag, na bumitaw ng tatlong three-point shots.
Ilang ulit na binalasa ni coach Reyes ang kanyang tropa
para bantayan ang nag-iinit na si Simon na nagpatuloy sa pagratsada sa
kalagitnaan ng parehong quarter. Napilitan lamang si B-Meg coach Tim Cone na
ilabas si Simon nang matawagan ito ng kanyang ikalimang foul.
Hindi na muling lumingon pabalik ang B-Meg at
isinelyo na ang panalo buhat sa dalawang napasok na freethrows ni dating MVP
James Yap at Marc Pingris.
Nagtala naman ng impresibong double-double
performance si B-Meg import Denzel Bowles na may 25 points, 11 rebounds,
tatlong assists at isang block, kabilang ang isang fastbreak dunk sa huling
quarter.
May tsansang agawin ng Texters ang tagumpay kung
naipasok lamang nila ang 20 freethrows sa laro, 16-of-36 (44.4%).
“I thought we showed our depth tonight. We were able to play with a deep line-up, ayon naman kay Cone na nasa kanyang 24th finals appearance at hangad ang 14th PBA championship. “We battled through that bad time in the third quarter.”
Nagtulong naman sa arangkada ng Texters ang import na si Donnel Harvey na may 25 points, 13
rebounds, apat steals at tatlong assists at two-time PBA finals co-MVP Alapag
na may 12 points, at tig-anim na rebounds at assists. (John Alfrick C. Cruz)
No comments:
Post a Comment