Sa wakas at nakumbinsi na si
Powerade Tigers coach Bo Perasol sa paglipat ni Marcio Lassiter.
Matapos kumalat ang balitang
hindi pagsang-ayon ni Perasol sa kagustuhan ni Lassiter na ma-trade, pumayag na
rin ito makalipas ang ilang linggong pagtanggi.
Sa isang text message na pinadala ni Perasol na ngayon ay nagbabakasyon sa Hong Kong, sinabi niya na “I stand by that decision.”
Tinukoy din niya na ang trade proposal ng
paglipat ni Lassiter kasama si Celino Cruz patungo sa Petron Blaze Boosters
kapalit nila Rabeh Al-Hussaini, Rey Guevarra, at Lordy Tugade, ay isang
malaking desisyon na kanyang pinirmahan bago siya umalis.
Tugon ni
Perasol na nagdadalawang isip siya na lagdaan ang papel at ayaw niya talagang
pakawalan si Lassiter na buong pwersang tinulungan ang kampanya ng Powerade
kasama ang number one pick na si JVee Casio sa Philippine Cup finals.
Bago ang trade, nauna ng sinabi ni Perasol sa isang interview, “Kung ako papipiliin, we want to get a scoring big man and a scoring wing man if Marcio is traded.”
At hindi naman nabigo si Perasol sa
kanyang hiniling dahil nasa bakuran na nila simula ngayon ang kasalukuyang
Rookie of the Year awardee na si Al-Hussaini at dalawang matitinik na shooters
sa katauhan nila Guevarra at Tugade.
“There are ways to make that trade work. My job is to find those ways and I intend to do just that,” pagtatapos niya. (John Alfrick C. Cruz)
No comments:
Post a Comment