Laro Ngayon
(Ynares Sports Arena, Pasig)
6:00 p.m. SMB vs Bangkok
(Ynares Sports Arena, Pasig)
6:00 p.m. SMB vs Bangkok
Pupuntiryahin ng mainit na
San Miguel Beermen ang kanilang ikapitong sunod na panalo sa Asean Basketball
League kontra sa inaalat na Bangkok Cobras ngayon alas-6:00 ng gabi sa Ynares
Sports Arena, Pasig City.
Taglay ang number one spot
sa standings, hangad ng mga bata ni SMB coach Bobby Parks Sr. na ipagpatuloy
ang kanilang kapanapanabik na ratsada sa liga lalo pa’t hindi pa sila kampante
sa isang panalong lamang sa pumapangalawang Philippine Patriots.
“We should step up all game long and we should not relax. Cobras have legitimate shooters, no doubt, they can upset us if we didn’t contain those players,” sabi ni Parks. “Hopefully this will be a wake-up call for us and the team will play better in the next game,” dagdag ni Parks ng tanungin tungkol sa kanilang susunod na pagsabak.
Samantala, sariwang-sariwa
pa ang huling pagkapanalo ng Beermen laban sa Singapore Slingers, sa dikdikang
68-64 noong Miyerkules ng hapon.
Abante ang Slingers ng 10
points papasok sa fourth period nang magpasabog si Fazekas ng 12 points,
humakot ng walong rebounds at tatlong supalpal sa huking sampung minuto ng
aksyon at tuluyang inagaw sa Singapore ang kalamangan patungo sa ika-15th
na panalo ngayong season.
Pumutok si Nick Fazekas para
sa Beermen na nagtipa ng kabuuang 23 points at 19 rebounds katulong si Chris
Banchero na tumapos ng 13 points at Duke Crews na may 11 points.
Pinamunuan ng 19 points at
12 rebounds ni Graham ang Slingers habang sumuporta si Dulay ng 17 points at
pitong assists para sa Slingers na may pitong panalo at siyam na talo. (John
Alfrick C. Cruz)
Iskor:
Beermen 68 – Fazekas 23, Banchero
13, Crews 11, Fajardo 9, Avenido 8, Baguion 2, Yap 2.
Slingers 64 – Graham 19, Dulay 17,
Jeffers 14, Matialakan 4, Canta 4, Oh 3, Long 3.
No comments:
Post a Comment