Pansamantalang iiwan ni PBA
legend Jojo Lastimosa ang posisyon niya sa Alaska coaching staff matapos
makatanggap ng alok mula kay Alaska CEO Fred Uytengsu.
Sa isang text message na nanggaling
kay Lastimosa, sinabi niya na inalok siya ni Uytengsu kung gusto niyang
pamunuan ang sport’s program and training camp ng Alaska sa buong Pilipinas.
“Haven’t agreed on terms yet, but the change has been announced inside the office. Fred is out of the country and we will finalize everything when he gets back,” dagdag ni Lastimosa.
Bago ang desisyon, si
Lastimosa ay kasama ni Luigi Trillo sa mga pinagpipilian na papalit kay Joel
Banal kung saan nanaig si Trillo at ngayon ay headcoach na ng Alaska Aces
simula sa darating na Governor’s Cup.
Hindi na bago para kay
Lastimosa ang ganitong oportunidad dahil siya ay naging basketball camp
director na ng Alaska Power Camp ng maraming taon at isa rin sa mga bantayog ng
Jr. NBA program sa Pilipinas.
“I think this is a much better avenue for me in terms of impacting the youth,” sambit ni Lastimosa. “I will be traveling to key cities, training coaches and doing camps.” (John Alfrick C. Cruz)
No comments:
Post a Comment