UST dehado sa Shakey's

Laro Ngayon (San Juan Arena)
2:00pm – Letran vs San Sebastian
4:00pm – Ateneo vs FEU

Pagkatapos ng dalawang taong pamamahinga, muling nagbabalik ang six-time champion University of Santo Tomas Tigresses sa Shakey’s V-League Season 9 na magsisimula ngayon sa San Juan Arena, alas-2:00 ng hapon.

Maghaharap ang matikas na San Sebastian at Letran sa unang laro na susundan ng nagdedepensang Ateneo kontra sa Far Eastern University.

Tangka ng UST ang isa pang kampeonato na ngayon ay maglalaro sa ilalim ng kanilang bagong coach na si Odjie Mamon, sa torneong inorganisa ng Shakey’s Pizza kasama ang Sports Vision Management Group, Incorporated.

Aminado si Mamon na hindi ganoon kalakas ang team nila dahil marami silang bagong players at hindi pa kabisado ang kanyang sistema,“I cannot really say how strong we are since five UAAP teams are in the fold, including three of the top five last season.”

“So we will bring our A-game and hopefully the infusion of Mary Jane Balse and Thai Kunbang Pornpimol will further boost our chances,” dagdag pa niya

Nananalig pa rin si Mamon na ang experience at leadership ni dating MVP Balse, kabilang ang dominasyon ni Thai import Pornpimol, ang magdadala sa kanila sa inaasam-asam nilang tagumpay.

Kasama sina Balse at Pornpimol, ang UST ay binubuo nina Maika Ortiz, Rhea Dimaculangan, Maruja Banaticla, Judy Caballero, Jaime Morado, Midori Hirotsuji, Katrina Carangan, Ingrid Reyes, Tricia Lastimosa, Ma. Carmela Tunay, Jan Dusaran, Ma. Loren Lantin, Laine de Leon, at Jen Amar.

 “We re-joined because it’s a really a good exposure for the team. Last year, we only competed in the Unigames before the UAAP season, so we really lacked experience especially with a lot of new 

players in the team,” ayon pa kay Mamon, na pinili ang Ateneo at Perpetual Help bilang the ‘teams to beat.’ (John Alfrick C. Cruz)